అదాన దోషేణ దరిద్రదోషః, దరిద్రదోషాత్ కరోతి పాపం |
పాపాదవశ్యం నరకం ప్రయాతి, పునర్దరిద్రే పునరేవపాపీ ||

పుష్కలంగా చేతిలో అవకాశం ఉన్నప్పుడు దానం చెయ్యక పోవడం అనే దోషంతో దారిద్ర్యం వస్తుంది. దరిద్రుడై జీవించ లేక పాపాలు చేయడం మొదలు పెడతాడు. ఫలితంగా నరకానికి వెళతాడు. పాపఫలితాన్ని అనుభవించి, మంచిసంస్కారం లేని కారణంగా మళ్లీ భూలోకంలో దరిద్రునిగానే జన్మిస్తాడు. మళ్లీ పాపాన్ని చేస్తాడు. పునఃదరిద్రుడౌతుంటాడు. ఈ చక్ర భ్రమణంలో పడకుండా ఉండాలంటే ధనం చేతిలో ఉన్నప్పుడు పుష్కలంగా దానాలు చేస్తూ ఉండాలి.