తుషి" అనేది మహారాష్ట్ర కు చెందిన ఒక కంఠాభరణ డిజైను. ఈ మోడల్ లో చిన్న చిన్న బంగారు పూసలలో గాలిని పంపించి, వాటిని దగ్గర దగ్గరగా గుచ్చి చేస్తారు. పూసల అల్లికలో, ప్లాస్తిక్ దారం తప్ప, బంగారు తీగను ఉపయోగించరు. ఇవి సాధారణంగా పొడవైన హారాల వలె కాకుండా, మెడకు అంటిపెట్టుకుని ఉండే చోకర్ నెక్లస్ మాదిరిగా ఉంటాయి. వీటి తయారీ మహారాష్ట్రలోని పైథాన్ లో పీష్వాల కాలం నుండీ జరుగుతున్నది. మహారాష్ట్ర మహిళలు సంప్రదాయంగా ధరించే "నవారి పైథాని" ( 9గజాల పైథాని చీర) పైన ఈ నెక్లేస్ ధరిస్తారు. ఒకప్పుడు మహారాష్ట్రకే పరిమితమైన ఈ ఆభరణాలు ఇప్పుడు మన అంధ్రప్రదేశ్ లో కూడా దొరుకుతున్నాయి. విశేషం ఏమిటంటే, ఇవి చాలా తక్కువ తూకం లోనే చేయించుకోవచ్చు. వెనక చైన్ లేకుండా 4 గ్రాముల నుంచి లభిస్తాయి.