Wednesday 29 July 2015

ఇటువంటి జనసమ్మర్దం ఎక్కువగా ఉండే రోజుల్లో, ప్రాంతాల్లో అది సినిమా రిలీజ్ అయినా, పండుగ అయినా, మరింకే ఉత్సవం అయినా, అందరికన్నా ఎక్కువ ఇబ్బంది పడేది పోలీసులు. ఆ యా జిల్లాల్లో ఉండే సిబ్బంది చాలక, వేరే జిల్లాల నుండి కూడా నియమిస్తారు. వారికి సరి అయిన వసతి, భొజన సౌకర్యాలు ఉండవు. ఎండైనా, వానైనా వారికి డ్యూటీ తప్పదు. వారి నియమిత స్థానం నుంచి ఒక్క క్షణం ప్రక్కకు తప్పుకునే అవకాశం ఉండదు. ఏదైనా అనుకోని ప్రమాదం జరిగినప్పుడు వెంటనే స్పందించాల్సి ఉంటుంది. ఒకవేళ స్పందించడానికి కుదరని పరిస్థితులలో, ఇటు ప్రజలు, మీడియా ముందు దుమ్మెత్తిపోసేది వారినే. తీరా ఆ వేడుక గడిచాక వారికి రావలసిన ప్రోత్సాహకాలు కూడా ఎన్నో నెలలు గడీస్తేనే కాని రావు. ఒకవేళ డ్యూటీలో ఉండగా ఏదైనా తప్పు జరిగితే ఉద్యోగాలు కూడా పోయే పరిస్థితి వారిది. మంత్రుల పర్యటనలు, గొడవలు, ఘర్షణలు, ఉత్సవాలు, ప్రత్యేక దినాలు---ఈ అన్ని సందర్భాలలో ప్రజల కోసం ఎక్కువ కష్టపడేది పోలీసులే...

No comments:

Post a Comment