వైశాఖ శుక్ల సప్తమిన గంగోత్పత్తి జరిగింది అని శాస్త్రాలు చెప్తున్నయి. మరల ఈనాడే క్రోధితుడైన జహ్ను మహర్షి గంగను తాగేసి, మరన గంగ వేడుకున్న మీదట కుడి చెవి నుంచి వదిలాడు . జహ్ను మహర్షి చెవి నుండి వెలువడిన గంగకు జాహ్నవి అని పేరు వచ్చింది. వైశాఖ శుధ్ధ సప్తమి నాడు గంగాదేవి ఆవిర్భవించినట్లు శాస్త్రాలు పేర్కొన్నాయి. అయితే, భగీరథుని తపస్సు కారణంగా జ్యేష్ట శుధ్ధ దశమినాడు గంగ భూలోకాన్ని చేరింది. అందుకే ఆ రోజు  గంగానదిలో స్నానం చేయడం, చెప్పలేనంత ఫలితాన్ని ఇస్తుంది. గంగాదేవిని స్మరిస్తూ, పుణ్య నదుల్లో స్నానం చేసినా కూడా మంచి ఫలితాన్ని పొందవచ్చు. ఈ జ్యేష్ట శుధ్ధ దశమిని దశపాపహర దశమి అని పిలుస్తారు. ఈరోజున గాంగ దేవిని స్మరించడం, పూజించడం ద్వారా అశేష ఫలితాలను పొందవచ్చు. గత జన్మల నుండీ ఉన్న సంచిత పాపములను కూడా తొలగించుకోవచ్చు.